ياخي يا حظ البنغالي=والأثيوبي والصومالي
عايش حياته بظروفه=يومٍ مر ويومٍ حالي
الزبدة ذا جرب حظه=اعني الهندي والنيبالي
سنة جانا وقال ارجوكم=اريد العودة لعيالي
فقري مع عزي غنيمة=بدياري ما شفت اذلالي
ابوه وجدّه ما ذلّوا=بسم الدين بسوطٍ صالي
ماهو مثل اجيالٍ عاشت=مدفونة توطا بنعالي
منزوعة همة وارادة=مشغولة في قيل وقالي
وجميع عيوب الخلايق=فينا والله يرحم حالي
سد الذرايع يحماها=اعلا من السد العالي
ديرة صلو والبس سكر=واسمع نفذ امر الوالي
خلتنا اردا حثالة=يترفع عنها الزبالي
و الرب انقذنا بمحمد=معرب في جد وخالي
ياربي قوه وسدد=رميه للعادي الختالي
يقول انا افداكم واشري=اللي يسعدكم بالغالي
فأعينوني بصمتٍ=وانظروا فيهم افعالي
وش تناظر يالله يالله=والله لسوقك بعقالي
ان صلينا ماهو خوف=منّك جعلك للسلالي
وان عصينا ماعلينا=من غير الرحمان العالي
نبي عبادتنا لله=عليها اربي عيالي
يمكن ديانتهم تسلم=واكسب لو مرة يدعا لي
ليست هناك تعليقات:
إرسال تعليق